張惠妹 A-Mei - 夢中作憨人 Bang Tiong Tsue Gong Lang (Sorrowful Regret)

夢中作憨人
Mandarin Pinyin: Meng Zhong Zuo Han Ren
Taiwanese Romanization: Bang Tiong Tsue Gong Lang

Cantonese Version:
張惠妹 A-Mei - 床前思故夢 Chong Chin Si Gu Mung

作詞：陳佳惠
作曲：徐鳳儀
專輯：阿密特

滿天的田蠳 飛過夢中田埂墘
Mua thinn e tshan inn pue kue bang tiong tshan huann kinn
夢彼段 初戀滋味
Bang hit tuann tshoo luan tsu bi
牛郎甲織女每一年 相逢也有時
Gu nng kah tsit li mui tsit ni siong hong ia u si
你甲我注定分離
Li kah gua tsu tiann hun li

青色海岸 白色的沙
Tshinn sik hai huann peh sik e sua
兩雙腳印無聲惦惦走相偎
Nng siang kha in bo siann tiam tiam kiann sio ua
風底唱歌 雲來作伴
Hong teh tshiunn kua hun lai tsue phuann
你我哪會無牽手的勇氣
Li gua na e bo khan tshiu e iong khi

想你那一晚 相思茫茫寂寞氣味重
Siunn li hit tsit am suinn si bang bang siok bok khi bi tang
故鄉月照抹著希望啊
Koo hiong gueh tsio bue tioh hi bang ah
孤單一個人 雨水冷冷花蕊失清香
Koo tuann tsit e lang hoo tsui ling ling hue lui sit tshing phang
想要來挽回已經慢
Siunn beh lai ban hue i king ban

滿天的田蠳 飛過夢中田埂墘
Mua thinn e tshan inn pue kue bang tiong tshan huann kinn
夢彼段 初戀滋味
Bang hit tuann tshoo luan tsu bi
牛郎甲織女每一年 相逢也有時
Gu nng kah tsit li mui tsit ni siong hong ia u si
你甲我注定分離
Li kah gua tsu tiann hun li

青色海岸 白色的沙
Tshinn sik hai huann peh sik e sua
兩雙腳印無聲惦惦走相偎
Nng siang kha in bo siann tiam tiam kiann sio ua
風底唱歌 雲來作伴
Hong teh tshiunn kua hun lai tsue phuann
你我哪會無牽手的勇氣
Li gua na e bo khan tshiu e iong khi

想你那一晚 相思茫茫寂寞氣味重
Siunn li hit tsit am suinn si bang bang siok bok khi bi tang
故鄉月照抹著希望啊
Koo hiong geh tsio bue tioh hi bang ah
孤單一個人 雨水冷冷花蕊失清香
Koo tuann tsit e lang hoo tsui ling ling hue lui sit tshing phang
想要來挽回已經慢
Siunn beh lai ban hue i king ban

想你那一晚 夢來心空目眶已經紅
Siunn li hit tsit am bang lai sing khang bak khoo i king ang
阮還是無法度抹記啦
Gun iah si bo huat too bue ki lah
剩我一個人 彼條情歌阮還唱抹煞
Tshun gua tsit e lang hit tiau tsing kua gun iah tshiunn bue suah
天頂星也笑阮是憨人
Thinn ting tshinn ia tshio gun si gong lang

少年家青春來討債 嘴須麻已經白
Siau lian ke tshing tshun lai tho tse tshui tshiu ma i king peh
無注意緣份就錯過
Bo tsu i ian hun tioh tsho kue
甘講你不知 一世人無兩回
Kam kong li m tsai tsit si lang bo nng hue
重來的機會
Ting lai e ki hue

想你那一晚 相思茫茫寂寞氣味重
Siunn li hit tsit am suinn si bang bang siok bok khi bi tang
故鄉月照抹著希望啊
Koo hiong geh tsio bue tioh hi bang ah
孤單一個人 雨水冷冷花蕊失清香
Koo tuann tsit e lang hoo tsui ling ling hue lui sit tshing phang
想要來挽回已經慢
Siunn beh lai ban hue i king ban

想你那一晚 夢來心空目眶已經紅
Siunn li hit tsit am bang lai sing khang bak khoo i king ang
阮還是無法度抹記啦
Gun iah si bo huat too bue ki lah
剩我一個人 彼條情歌阮還唱抹煞
Tshun gua tsit e lang hit tiau tsing kua gun iah tshiunn bue suah
天頂星也笑阮是憨人
Thinn ting tshinn ia tshio gun si gong lang

月亮啊陪伴阮 做眠夢
Gueh niu a pue phuann gun tsue bin bang